Skip to main content

Profesa Kabudi awasilisha cheti UDSM

Profesa Kabudi awasilisha cheti UDSM

Waziri wa Katiba na Sheria, Profesa Palamagamba Kabudi 

Dodoma\ Dar. Waziri wa Katiba na Sheria, Profesa Palamagamba Kabudi  amesema tayari amewasilisha cheti cha kidato cha nne katika Chuo Kikuu cha Dar es Salaam (UDSM) kwa ajili ya kupelekwa Baraza la Mitihani Tanzania (Necta) kwa ajili ya uhakiki.

Akizungumza na gazeti hili bungeni mjini hapa jana, Profesa Kabudi alisema cheti hicho alikuwa ameshakiwasilisha kwa uhakiki lakini hajui ilitokea nini hadi ikaonekana hakipo.

Jina la Profesa Kabudi limetokea katika orodha ya watumishi wa UDSM ambao vyeti vyao havikukamilika kwa uhakiki.

“Yaliyotokea huko siyajui na hayanihusu, ila unachoweza kuandika ni kwamba nimeshawasilisha cheti changu Chuo Kikuu cha Dar es Salaam na wao watakipeleka kwa Necta kwa uhakiki,” alisema.

Huku akionyesha picha ya cheti hicho kwenye simu, Profesa Kabudi alifafanua kuwa wakati aliposoma yeye haikuwa rahisi kutokuwa na cheti cha kidato cha nne na ukachaguliwa kuingia kidato cha tano kwenye shule za umma.

Mawakili kadhaa wamemtetea Profesa Kabudi  kwamba kutajwa kuwa na matatizo kwenye vyeti vyake imetokana na mfumo mbaya unaotumika na Serikali katika uhakiki.

Wakizungumza na Mwananchi jana  kwa nyakati tofauti wameeleza kuwa utekelezaji wa uhakiki wa vyeti ni hatua muhimu na yenye maana kwa maendeleo ya Taifa lakini umefanywa katika mazingira ambayo si makini kiasi cha kudhalilisha watu wenye hadhi zao katika jamii.

Wakili Alex Mgongolwa alisema uhakiki huo ungefanywa na Serikali kwa kuwasiliana na vyuo au taasisi husika ili kupata majibu ya uhakika, kuliko kuwaamuru watumishi wawasilishe vyeti.

Popular posts from this blog

Mkuu wa Majeshi mstaafu (CDF), Jenerali George Waitara akemea uwindaji haramu Tarime

Mkuu wa Majeshi mstaafu (CDF), Jenerali George Waitara akemea uwindaji haramu Tarime MWENYEKITI wa Bodi ya Mamlaka ya Hifadhi za Taifa Tanzania (TANAPA), Mkuu wa Majeshi mstaafu (CDF), Jenerali George Waitara, amewataka wanachi wilayani Tarime, kuachana na uwindaji haramu, badala yake watumie fursa zilizopo kukuza vipato vyao iii kuondokana na umasikini katika ngazi ya familia.  Pia, amewataka wananchi hao watumie fursa hizo kuwekeza katika miradi na biashara mbalimbali katika maeneo jirani na Hifadhi ya Mbuga ya Serengeti, itakayowawezesha kuwaingizia vipato.  Waitara alitoa wito huo mjini Tarime, juzi, alipokutana na baadhi ya wananchi na kubadilishana nao mawazo, wakati akielekea nyumbani kwake k ij iji cha  Itiry o   kusherekea sikukuu ya Pasaka.  Alitoa ushauri kwa watu wenye nia ya kuwekeza katika miradi mbalimbali ya uzalishaji mali wilayani humo, watumie nafasi hiyo iii kukuza na kuendeleza mji waTarime na wilaya hiyo kwa ...
Read more

Ratiba ya Mkutano wa Saba wa Bunge Linaloanza Leo Jumanne April 4

Ratiba ya Mkutano wa Saba wa Bunge Linaloanza Leo Jumanne April 4 Waziri wa Fedha na Uchumi Dkt Philip Mpango anatarajiwa kusoma Bajeti ya serikali kwa mwaka wa fedha 2017/18 siku ya Alhamisi, Juni 15 mwaka huu. Tarehe hiyo ni kwa mujibu wa ratiba ya Mkutano wa Saba wa Bunge unaoanza leo  Jumanne (Aprili 4) katika ukumbi wa Bunge mjini Dodoma, mkutano ambao ni maalum kwa ajili ya bajeti. Ratiba hiyo inaonesha shughuli ya kwanza kuwa ni uchaguzi wa wabunge wa Bunge la Afrika Mashariki siku ya Jumanne, na Bajeti ya Ofisi ya Waziri Mkuu itasomwa siku ya Alhamisi, Aprili 6 na kujadiliwa kwa siku nne, ikifuatiwa na bajeti ya Rais (siku 4) na Bajeti ya Ofisi ya Makamu wa Rais (Siku 1) kabla ya bajeti ya Wizara ya Sheria na Katiba Aprili 25. Mbali na bajeti za wizara, mkutano huo pia utajadili na kupitisha miswada kadhaa ya sheria ukiwemo Muswada wa Sheria ya Marekebisho ya Sheria Mbalimbali wa Mwaka, 2017 ==>Itazame hapa ratiba kamili ya mkutano huu...
Read more

SADC YALIPONGEZA BARAZA LA USALAMA LA UN KWA KUONGEZA MUDA KWA MISHENI YA ULINZI DRC

SADC YALIPONGEZA BARAZA LA USALAMA LA UN KWA KUONGEZA MUDA KWA MISHENI YA ULINZI DRC 1 2 3 4 5 Waziri wa Mambo ya Nje na Ushirikiano wa Afrika Mashariki, Mhe. Dkt. Augustine Mahiga akizungumza na Waandishi wa Habari (hawapo pichani) kuhusu mkutano wa Baraza la Usalama la Umoja wa Mataifa uliofanyika New York, Marekani na kupitisha Azimio la kuongeza muda kwa vikosi vya usalama vilivyopo DRC. Kushoto ni Mkurugenzi wa Idara ya Ushirikiano wa Kimataifa, Balozi Celestine Mushy. Baadhi ya waandishi wa habari wakimsikiliza Mhe. Mahiga (hayupo pichani). Waziri wa Mambo ya Nje na Ushirikiano wa Afrika Mashariki na Mwenyekiti wa Kamati ya Mawaziri ya Asasi ya Siasa, Ulinzi na Usalama ya Jumuiya ya Maendeleo Kusini mwa Afrika (SADC), Mhe. Dkt. Augustine Mahiga (Mb). akihutubia Baraza la Usalama la Umoja wa Mataifa Jijini New York, Marekani. TAARIFA KWA VYOMBO VYA HABARI Waziri wa Mambo ya Nje na Ushirikiano wa Afrika Mashariki ambaye pia ni Mwenyekiti wa...
Read more